لا بجد هو في ايه؟؟؟؟؟؟

حاجات كتير بنشوفها في الافلام بتاعتنا ومبتبقاش لايقه علينا زي مشاهد الاكشن المفتعله ، لحظات حب مبتذله .

ده طبعا غير الشتائم والالفاظ البذيئه اللي احنا بنبقى قاعدين بنتفرج ومش فاهمين هو في ايه؟؟

سؤال حيرني كتير بس مش لاقياله جواب ، يلا هي جات على دي ما كل حاجه في بلدنا بتحصل مبنبقاش عارفين هي بتحصل ليه وعشان ايه ولا لمصلحه مين ولا مين المستفيد بيها.

نلاقي الفيلم كان رومانسى وفجأه بطلنا الهمام بيطارد الاشرار بالعربيه ويبدأ يضرب بالمسدس اللي منعرفش جابه مين ؟؟عادي المهم بيموت الاشرار اللي ظهروا فجأه ويمنع صفقاتمشبوهه وكمان بالمره ينتقم من اهم رجل اعمال في مصر اللي واكل نص البلد في جيبه.ونبقى احنا قاعدين زي الهبل ادام الشاشه مستنيين النهايه السعيده لما البطل يتجوز البطله بنت راجل الاعمال اياه وسمعونا احلى زغروطه لاحلى عريس وعروسه

رفع القبعه احتراما لهم

اساتذتنا في الجامعه كل واحد فيهم ليه مزاج وشخصيه مختلفه عن التاني منهم اللي عصبي ومنهم الهادي ومنهم اللي بيحب المشاركه من الطلبه بتوعه واللعس صحيح .
يمكن نكون بنعترض عليهم ومبيعجبوناش وساعات بنتريق عليهم ، بس في حاجه مهمه منقدرش ننكرها وهي علمهم واستفادتنا منهم بشكل او بأخر لاننا مهما عملنا لازم نقدر العلم اللي عندهم واللي وصلوا له دي طبعا حاجه عظيمه احنا موصلنلهاش علشان كده لازم نعرف قيمتهم ونحترهم لان اللي هما وصلوا له كان نتيجه تعب وجهد وكمان بيفيدونا بيه